Fæðingarfylgd

Í hverju felst þjónustan?

Doula starfar fyrir foreldra og styður þá í gegnum tíma sem gleymast seint. Þarfir, óskir og væntingar eru ólíkar frá konu til konu og fjölskyldu til fjölskyldu. Þjónusta doulu getur verið samfelld frá upphafi meðgöngu þar til eftir fæðingu barnsins eða einn hittingur þar sem unnið er með ákveðna þætti. Stuðningur okkar felur meðal annars í sér:

aðstoð við að vinna úr fyrri fæðingarreynslu
aðstoð við gerð fæðingaráætlunar
aðgangi að bókum um meðgöngu, fæðingu og brjóstagjöf
fæðingarfræðslu
fótanuddi
öndun og öndunaræfingum
slökunaræfingum
yfirferð yfir góðar stöður og stellingar
ótakmörkuðum síma- og vefpóstsaðgangi
skuldbindingu um að vera í nágrenninu tveimur vikum fyrir settan dag þar til barnið er komið í heiminn.
samfelldri viðveru í fæðingu
Myndatöku í fæðingu ef óskað er
aðstoð með brjóstagjöf ef óskað er
stuðningi eftir fæðingu

Fyrsta skrefið er að hafa samband. Við bjóðum ykkur að spjalla við okkur og kynnast okkur betur. Fyrsti hittingur er án allra kvaða, hann er notaður til þess að kynnast, spjalla og sjá hvort áhugi er fyrir nánara samstarfi.

Fyrir ári vissi ég ekki einu sinni hvað Doula væri og var satt að segja mjög skeptískur. Við fengum æðislega fræðslu um fæðinguna og gaf það mér mikið sjálfstraust til þess að geta verið góður og traustur fæðingarfélagi. Við áttum frekar krefjandi fæðingu en eftir allt saman komum við mjög sátt og stolt út úr þessari mögnuðu lífsreynslu. Undirbúningurinn sem við fengum hjá Guðrúnu, hennar stuðningur og nærvera tel ég hafa skipt sköpum. Hlutverk Doulunnar finnst mér í dag ómetanlegt, ekki síst fyrir fæðingarfélaga en hún kemur ekki í stað fyrir þá heldur veitir þeim meiri styrk.

Alexa Young, CA