Doulunám 2023
Doula er kona sem styður aðrar konur og fjölskyldur þeirra fyrir og í fæðingu. Doulur veita mikilvægan stuðning í formi samveru og fræðslu. ,,Mothering the mother".
Ef þú brennur fyrir að styðja konur og barnshafandi getur doulanám verið fyrir þig.
Fólk með ólíkan bakgrunn sækir doulunám, sumir hafa brennandi áhuga á fæðingum, aðrir eru jógakennarar, nuddarar eða stefna á frekara nám tengt fæðingum. Enn aðrir vilja vera til staðar á stórum stundum ættingja eða vina.
Um námið
SKRÁNING er hafin!
Námið fer fram yfir nokkurra mánaða tímabil, er að hluta til í staðlotum og er einnig fjarnám sem hægt er að stýra á eigin hraða og krefst því sjálfstæðra vinnubragða.
Eftir námskeiðið eiga nemendur að kunna því góð skil hvað það er að vera doula, hvert starfssvið doulunnar er og vinnubrögð. Eftir námskeiðið eiga nemendur að hafa góða innsýn í stuðning á meðgöngu og í fæðingu og vera með staðgóðan skilning á fæðingarferlinu.
Námskeiðsuppbygging 2023
25.-27. ágúst 17-21, 9-17
22. og 23. september 17-21,9-17
26. október 17-21 á netinu
16.-17. nóvember 17-21
8.febrúar 17-18
Námið er í höndum Soffíu Bæringsdóttur, doulu, CBE og fjölskyldufræðings
Takmarkaður fjöldi þátttakenda.
Miðað er við að námið taki tvö ár í heildina.
Nánari upplýsingar á soffia@hondihond.is
Námslok og námskröfur
Námskeiðið er yfir nokkurra mánaða tímabil en til þess að geta kallað sig doulu verður að klára námskeiðið og svo verkefni sem því fylgja. Í heildina má því gera ráð fyrir að námsferlið taki allt að tveimur árum og er lengra en námskeiðsdagar segja til um. Í boði er stuðningur meðan á náminu stendur.
Meðal þess sem farið er yfir í náminu er:
starfsvið doula
fagmennska í tengslum við fæðingar
uppbygging vitjana á meðgöngu og í sængurlegu
líkami og breytingar barnshafandi kvenna
Ólíkar fæðingar – ólíkur stuðningur
praktískur stuðningur
fæðingarsögur og fæðingarupplifun
nýburinn og brjóstagjöf
nýja fjölskyldan
hvernig skal byggja upp doulustarfsemi.
Námið er opið öllum sem hafa áhuga á doulustörfum. Til að útskrifast sem doula þarf að taka þátt í öllum námsdögum (90% mætingarskylda), vinna verkefni og tileinka sér lesefni. Að auki vera viðstödd þrjár fæðingar eftir að námið hefst.
