Fæðingarundirbúningsnámskeiðið
Inn í kjarnann
Tenging - þekking - styrkur
Inn í kjarnann er fæðingarundirbúningsnámskeið sem færir þig nær kjarnanum þínum og skapar rými til að skoða styrk þinn, auka þekkingu og læra bjargráð sem nýtast í fæðingu.
Á námsskeiðinu læriru slökun sem nýtist í fæðingunni og lærir inn á styrkleikana þína og ykkar.
Um námskeiðið
Við trúum því að fæðing sé lífsbreytandi og valdeflandi viðburður. Við trúum því að góður persónulegur undirbúningur hafi ekki bara áhrif á fæðingarferlið heldur líka mótun fjölskyldunnar.
Á námskeiðinu förum við yfir gagnlegar aðferðir til að tækla erfiðar aðstæður, horfast í augu við áhyggjurnar sem við höfum og skoðum til hlýtar hvaða valkostir eru í stöðunni.
Hver tími tekur fyrir góða slökun sem róar taugakerfið og hjálpar til við slökun og einbeitingu.
Á námskeiðinu lærir þú /þið
- 3 ólíkar öndunaræfingar
- sjónrænar slökunaræfingar
- hvernig styrkleikarnir þínir nýtast í fæðingu
- allt um stig fæðingar og framvindu
- leiðir til að losa um áhyggjur og ótta
- hvaða fæðingarumhverfi hentar þér og ykkur
- nudd og stellingar sem nýtast í fæðingu
- grunnatriði umönnunar ungbarns
Innifalið á námskeiðinu
Auk fræðslu og samverustunda fá þátttakendur á námskeiðinu bók, aðgang að netnámskeiðinu okkar, slökunaræfingar til að hlusta á og úthendi sem ítarefni.
Dagsetningar
Við hittumst fimm sinnum í tæpa tvo tíma í senn. Námskeiðið er haldið í Lífsgæðasetrinu Hafnarfirði og við byrjum kl. 19.00
Fimmtudagurinn 15.september
Fimmtudagurinn 22.september
Fimmtudagurinn 29.september
Sunnudagurinn 02.október
Fimmtudagurinn 6.október
Allt þetta fyrir 59.000.- fyrir fæðingarparið
athugið sum stéttarfélög niðurgreiða námskeiðið að hluta
Endilega sendu okkur tölvupóst ef þú vilt vita meira á soffia@hondihond.is